Кітапхана басшысы Калиева Назымгуль Сиязбековна

E-mail:nazym.kaliyeva.2024@mail.ru

Кітапхана "Семей қаласының Шәкәрім атындағы университеті" ҚеАҚ – ның жетекші құрылымдық бөлімшесі болып табылады. Студенттерге, ғылыми – педагогикалық қызметкерлерге және басқа да оқырмандарға тез және сапалы кітапханалық және ақпараттық – библиографиялық қызмет көрсетуді ұйымдастырады және іске асырады.

Кітапхананың кітап қоры қазақша, орысша және шет тілдерінде университет бейініне сәйкес әр түрлі білім салалары бойынша жинақталған. Әдебиеттер гуманитарлық және қоғамдық-саяси ғылымдар, экономикалық және заң туралы іргелі ғылым салалары бойынша топтасқан, сондай-ақ әлемдік көркем әдебиеттің орысша, қазақша және шет тілдеріндегі бай кітап қоры бар.

 Университеттің оқу ғимараттарында кітапхананың 5 оқу залы және 6 оқу абонементі бар. Кітапхана оқырмандарының Internet ғаламдық ақпараттық желісін мемлекеттік және орыс тілдерінде пайдалану мүмкіндігі бар.

Кітапхана пайдаланушылары Ресей Мемлекеттік кітапханасының толықмәтінді дерек қорына, Республикалық Жоғары орындары арасындағы электронды кітапханаға, қолжетімді тегін электронды ресурстарына ену мүмкіндіктері жасалған .

Кітапхана миссиясы

Кітапхана өз миссиясын заманауи ақпараттық технологияларды пайдалана отырып, көрсетілетін қызметтің сапасын арттыру,  бәсекеге қабілетті мамандарды дайындауға көмек көрсету деп біледі.

Кітапхананың мақсаты – кітапханалық және ақпараттық қызмет көрсетуге, оқырмандарды қажетті әдебиеттер мен ақпараттармен қамтамасыз етуге, университет профиліне сәйкес білікті кадрларды даярлаудың ішкі мүмкіндіктерін дамытуға бағытталған.

Кітапхананың міндеті – сапаның халықаралық стандарттарға сәйкестігі, университеттің профиліне сәйкес қор құру, тиімді қызмет көрсету.

НЕГІЗГІ ҚЫЗМЕТ ТҮРІ

1.1 Кітапхана "Семей қаласының Шәкәрім атындағы университеті" КеАҚ-ның жетекші құрылымдық бөлімшесі, сондай-ақ білім тарату, рухани және интеллектуалдық қарым-қатынас, мәдениет орталығы болып табылады.

1.2 Кітапхана білім алушылар мен университет қызметкерлеріне әдебиет пен ақпаратқа еркін қол жеткізу құқығын береді. Өз қызметін ұйымдастырудың жалпы мәселелерін реттейді.

1.3 Кітапхана оқырмандарға оқу және электронды залдарында, абоненементтерінде, ғылыми – библиограиялық бөлімінде, жеке және топтық қызметтер әдістерін қолдану арқылы қызмет көрсетуді ұйымдастырады.

1.4 Университеттің ғылыми зерттеу тақырыбына сәйкес қорды толықтыруды қамтамасыз етеді.

1.5 Кітапхана қызметі ізгілікке, жалпы адамдық құндылықтарға бағытталған, қордағы мәдени мұраны ашу және насихаттау, оқырмандарды әдебиетпен әлеуметтік талаптарына сай қамтамасыз ету.

1.6       Университет профиліне және оқырмандардың ақпараттық талаптарына сәйкес қорды қалыптастыру, оқулық және ғылыми зерттеулерді кітапханалық- библиографиялық талапқа сай қамтамасыз ету.

1.7. Университет қолданыстағы заңнамаға сәйкес Ғылыми кітапхананың қызметін қаржыландырады және бақылайды, оның жұмыс істеуі үшін қажетті жағдайларды жасайды.

1.8 «Университтеттің кітапханасын пайдалану ережелеріне» сай қорларға қолжетімділік тәртібі, негізгі қызметтер тізімі және оларды ұсыну шарттары арқылы анықталады.

1.9   Кітапхана тікелей Басқарма Мүшесі – ғылым және инновация жөніндегі проректорға бағынады

ҚЫЗМЕТІНІҢ НОРМАТИВТІ НЕГІЗДЕРІ

Кітапхана өзінің жұмыс істеу барысында басшылыққа алады:

• Қазақстан Республикасының Конституциясын;

• Қазақстан Республикасының «Білім туралы» Заңын;

• Қазақстан Республиасының «Ғылым туралы» Заңын;

• Қазақстан Республикасының білім беруді дамытудың мемлекеттік бағдарламасын;

• Қазақстан Республикасының Білім және ғылым министрлігінің нормативтік құқықтық актілерін;

• Университет Жарғысын;

• Университеттің сапа саласындағы саясатын;

• Кітапхана ісі жөніндегі құжаттар мен нұсқаулықтарды;

• Ректор бұйрықтарын;

• Ғылым және инновациялар жөніндегі   проректордың   нұсқауларын;

• Осы Ережені.

  САПА САЛАСЫНДАҒЫ МАҚСАТТАРЫ

  1.  Кітапхананың кітап қорын мамандықтың оқу жоспарының базалық және бейіндік пәндеріне сәйкес цифрлы тасымалдағыштардағы оқу әдебиеттерімен қамтылуын 40 % -ға жеткізу.

  2. Мемлекеттік тілде оқу-әдістемелік және ғылыми әдебиеттерді мамандықтардың оқу жоспарына сәйкес арттыру.

  3. Кітап қорының сапасын жақсарту мақсатында кітап қорынан мазмұны жағынан ескірген және көнерген кітаптарды есептен шығару.

•   КІТАПХАНАНЫ ПАЙДАЛАНУДЫҢ ЕРЕЖЕЛЕРІ
  

   

  Кітапхананы пайдалану ережесі

   

  1.1 Осы ереже «Семей қаласының Шәкәрім атындағы университетінің кітапханасы туралы ереженің» негізінде құрастырылды және кітапхана мен кітапхананы пайдаланушылар арасындағы қатынасты реттейді;

  1.2 Кітапхана университеттің оқу және ғылыми процесін кітаппен және ақпаратпен қамтамасыз ететін жетекші бөлімі болып табылады;

  1.3 Кітапхана өз жұмысында ҚР Конституциясын, «Білім туралы» Заңды,  Кітапхана туралы ереже негізінде  және университеттің нормативтік құжаттарын басшылыққа алады;

  1.4 Студенттер, ПОҚ, магистранттар, PhD докторанттар және қызметкерлер кітапхана қызметін пайдалануға құқылы;

  1.5 Оқырмандарға кітап таңдауда кітапхана тарапынан жан-жақты көмек көрсетіледі;

  1.6 Кітапхана жыл сайын оқырмандарды қайтадан тіркеуден өткізеді. Оқу жылы аяғында студенттер берешек кітаптарын толық кітапханаға өткізуі тиіс. Басқа жағдайда оларға қызмет көрсетілмейді.

   

  2. Абонемент пен оқу залын пайдалану туралы

   

  2.1  Оқулықтар үйге абонемент бөлімдерінде  беріледі. Соңғы немесе бір дана кітаптар қолға берілмейді, тек қана оқу залында ғана пайдалануға болады. Топ сабақтарында пайдалану үшін әдебиет абонементте оқытушының жазбаша талабы бойынша беріліп, топтың кезекші оқушысының қол қоюымен тіркеу журналына жазылады;

   

  2.2  Кітапхана қорынан кітаптарды және басқа да материалдарды алған кезде оқырман оларды мұқият қарап шығуы қажет, басылымның қандай да бір ақауы бар екенін байқаса, кітапханашыға көрсетуі қажет, болмаса басылымның ақауы үшін жауапкершілік соңғы пайдаланған оқырманға жүктеледі.

  2.3  Энциклопедиялар, анықтамалықтар, диссертациялар тек оқу залдарында ғана пайдалануға беріледі.

  2.4  Керек әдебиет абонементте болмай қалған жағдайда, электронды нұсқасын SemGU AIS  сайтының басты бетіндегі «Кітапхана» және Web ИРБИС «Электрондық католог» бөлімдерінен тауып алуға болады.

  2.5 Оқу залынан кітап шығаруға тыйым салынады. Осы қағиданы бұзған жағдайда оқырмандар кітапхана әкімшілігі белгілеген мерзімге кітапхананы пайдалану құқығынан айырылады;

  2.6 Электрондық залда Интернет желісінің ресурстарына,  дерек қорларға және өзіміз қалыптастырған  электрондық-ақпараттық ресурстарға қол жеткізу мүмкіндігі ұсынылады;

   

  3. Оқырмандардың құқығы мен міндеттері

   

  «Семей қаласының Шәкәрім атындағы университетінің» студенттері, магистранттары, докторанттары, профессорлық-оқытушылар кұрамы және қызметкерлері кітапханалық ақпараттық қызмет түрлерін тегін алуға құқылы;

  Ақпарат көздерін іздестіру мен таңдауда маман кеңесін алуға құқылы;

  Электрондық ақпарат және кітапханалық ақпарат берудің басқа да түрлері арқылы кітапхана қорларының құрамы туралы толық ақпарат алуға құқылы.

  3.1 Оқырмандар міндетті:

   

  Кітаптарға, баспа туындыларына, басқа да материалдарға және кітапхана мүлкіне ұқыппен қарауға;

  Кітапханадан алынған басылымдарды белгіленген мерзімде қайтаруға.

  Кітапхана кітабын жоғалтқан немесе кітапты жыртып алған жағдайда келтірген залалын дәл сондай кітап әкеліп беру арқылы, кітапхана жоғалған басылымға сәйкес деп санайтын басылымды әкеліп беруге МІНДЕТТІ.

  3.2 Оқырмандарға рұқсат етілмейді:

   

  Кітапханаға сырт киіммен кіруге;

  Тыныштық пен тәртіп бұзуға;

  Кітапханадан өзі қол қоймаған кітапты алып шығуға;

  Кітапхана басылымдарын бүлдіруге (оған белгі салу, сызу, парақтарын жырту);

  Картотекалар мен каталогтардан карточка шығаруға;

  Қызмет бөлмелері мен кітап қоймасына рұқсатсыз кіруге;

  Оқу орнынан кетерде оқырмандар өзіне жазылған басылымдарды және оқырман билетін кітапханаға тапсырып, кету қағазына тиісті белгілерді алуы тиіс;

  4. «Кітапхананы пайдалану ережелерін» бұзған жағдайда оқырмандар кітапхананы пайдалану құқығынан айырылады:

   

  Үйге алған кітаптардың тапсыру мерзімін бұзған немесе уақытылы мерзімін ұзартпаған үшін – 3 айға;

  Кітапханашының рұқсатынсыз оқырман залынан кітап алып шыққаны үшін – 6 айға;

  «Кітапхананы пайдалану ережелерін» бірнеше рет бұзғаны үшін – 1 жылға;

  Басылымдарды әдейі бүлдіргені үшін кітапхананы пайдалану құқығынан мүлдем айырылады.

  4.1 «Кітапхананы пайдалану ережелерін» өрескел бұзушы оқырмандар туралы мәліметтер деканаттар мен ректоратқа беріледі.